20سالہ جنگ 20دن میں ختم نہیں کرسکتے ،اشرف غنی کی دوحہ میں گفتگو افغانستان میں حملے ،صوبائی پولیس چیف،ضلعی انتظامی سربراہ سمیت23ہلاک
کابل(سچ نیوز)افغان صدر اشرف غنی نے کہاہے کہ ہم 20 سالہ جنگ 20 دن میں ختم نہیں کرسکتے ، دوحہ میں ایک تقریب سے خطاب کرتے ہوئے انہوں نے کہاکہ افغانستان کے دیرینہ تنازع کوبندوق کی بجائے مذاکرات کے ذریعے حل ہونا ہے ۔ کوئی بھی طاقت آپ (طالبان) کو مٹا نہیں سکتی۔ادھر افغانستان میں حملے جاری ہیں،کیپسا میں سڑک کنارے نصب بم دھماکے میں خاتون سمیت 3افرادہلاک ہوگئے ۔صوبہ لغمان کے ضلعی انتظامی سربراہ دولت شاہ اور ان کے تین محافظ دھماکے میں ہلاک ہوگئے ۔بٖغلان صوبہ کے پولیس چیف وارا اندرابی ہلاک ہوگئے ،وہ کچھ روز قبل ایک حملے میں زخمی ہوگئے تھے ۔ہلمند کے ضلع نہر سراج میں کاربم دھماکے سے 4فوجی ہلاک ہوگئے ۔کنڑ میں فوج سے جھڑپوں میں 11طالبان مارے گئے