عنوان: امیر کون؟
تحریر: عدنان الدین
ایک تحریر جس نے مجھے بہت متاثر کیا اور بہت کچھ سوچنے پر مجبور کر دیا اس کا خلاصہ کچھ یوں ہے:-
کسی نے دنیا کے امیر ترین شخص بل گیٹس سے پوچھا، کیا دنیا میں آپ سے امیر ترین کوٸی ہے؟
بل گیٹس نے کہا جی ہاں ! ایک ہے جو مجھ سے زیادہ امیر ترین ہے۔
پھر اس نے بتانا شروع کیا
ایک ایسے وقت میں جب میرے پاس زیادہ پیسے نہیں تھے اور نہ ہی شہرت ایک دن میں نیو یارک کے اٸیرپورٹ پر تھا اور وہاں ایک اخبار بیچنے والا سامنے آیا۔ میں ایک اخبار خریدنا چاہتا تھا لیکن میرے پاس چھوٹے ڈالر نہیں تھے۔ میں نے اخبار واپس کر دیا اور کہا کہ سوری میرے پاس کھلے نہیں ہیں ۔ اس نے جواب میں کہاں ! کوٸی بات نہیں، میں یہ آپ کو مفت میں دے رہا ہوں۔ میں نے انکار کیا لیکن اسکی بہت اسرار پر میں نے ان سے اخبار مفت میں لے لیا۔
اتفاقاً 3 سال بعد میں اسی اٸیر پورٹ پر دوبارہ اترا۔ لیکن اس دفعہ بھی میرے پاس چھوٹے پیسے نہیں تھے۔ اخبار بیچنے والا پھر آیا اور اخبار پیش کیا۔ میں نے انکار کیا کہ میں یہ نہیں لے سکتا میرے پاس کھلے نہیں ہیں۔ اس نے پھر کہاں کہ آپ پیسے نہ دیں. یہ میں اپنی جیب سے ادا کر دون گا مجھے زیادہ نقصان نہیں ہے۔ اور میں نے وہ اخبار لے لیا۔
ٹھیک 19 سال بعد میں امیر اور مشہور ہوگیا۔ مجھے وہ اخبار بیچنے والا زہن میں آیا اور میں اسکی تلاش کرنے لگا۔ ڈیڑھ مہینہ بعد میں اسے ڈھونڈنے میں کامیاب ہوگیا۔
میں نے ان سے پوچھا کیا آپ مجھے جانتے ہیں ؟ وہ کہنے لگا ہاں کیوں نہیں، آپ بل گیٹس ہیں۔ میں نے پھر پوچھا کیا آپ کو یاد ہے میں نے آپ سے مفت میں اخبار لیا تھا ؟ وہ کہنےلگا ہاں میں نے دو دفعہ آپ کو مفت اخبار دیا تھا۔
میں نے ان سے کہا کہ آپ نے میری مدد کی تھی، اب آپ بتاٶ دنیا میں جو کچھ بھی آپکو چاہیے میں آپ کو دلا دونگا ؟
وہ کہنے لگا سر ! میں نہیں سمجھتا کہ آپ کی یہ مدد میرے اس مدد کہ برابر ہو گی جو میں نے آپکی کی تھی۔ میں نے پوچھا کیوں ؟
وہ کہنے لگا ! سر میں نے آپ کی مدد اس وقت کی تھی جب میں ایک غریب اخبار بیچنے والا تھا۔ اور آپ اس وقت مدد کر رہے ہو جب آپ امیر بن گٸے ہو۔ یہ دونوں کیسے ایک دوسرے سے میچ کر سکتے ہیں؟
اس دن مجھے معلوم ہوا کہ اخبار بیچنے ولا مجھ زیادہ امیر ترین تھا کیونکہ اس نے کسی کی مدد کرنے کے لیے خود امیر بننے کا انتظار نہیں کیا۔ لوگوں کو یہ سمجھ میں آنا چاہیے کہ امیر ترین وہ ہے جن کے دل امیر ترین ہے وہ نہیں جن کے پاس بہت سارا پیسہ ہو۔
