انقرہ(سچ نیوز)درد ناک واقعہ جنوبی تری کے غازی عینتاب شہر میں پیش آیا جہاں چاقو بردار افراد نے ایک 19 سالہ شامی دو شیزہ کو بے دردی کے ساتھ چاقو کے وار کر کے قتل کردیا۔میڈیا رپورٹس کے مطابق 19 سالہ غنی ابو صالح کا تعلق شام کے حلب شہر سے ہے ، جسے 2 چاقو بردار افراد نے چاقو کے پے درپے وار کرکے قتل کیا اور خود فرار ہوگئے۔ نامعلوم مسلح افراد نے ایک بچے کو بھی چاقو کے وار کرکے زخمی کردیا۔ وہ اس وقت شدید زخمی حالت میں ہسپتال میں ہے۔ ذرائع کا کہنا ہے کہ مسلح افراد شامی دوشیزہ اور بچے کو اغوا کرنے کی کوشش کررہے تھے، انہیں مزاحمت پر قتل کردیا گیا۔ترک پولیس کے مطابق اس نے شامی دوشیزہ کے بہیمانہ قتل کی تحقیقات شروع کردی ہیں۔ پولیس کا کہنا ہے کہ وہ جلد ہی قاتلوں کا پتا چلا کران کے خلاف قانون کے مطابق سخت کارروائی کرے گی۔
