نیو یارک(سچ نیوز)ترک وزیر خارجہ میولود چاوش اولو نے انتہاپسندی اور دھڑے بندیوں کیخلاف جدوجہد کیلئے باہم متحد ہونے کی اپیل کرتے ہوئے کہا ہے کہ پوری دنیا میں تعصب، حقارت اور نفرت کے خلاف ہر ایک کا ایک پائیدارعزم اور سیاسی ارادے کا اظہار کرنا ضروری ہے۔غیر ملکی میڈیا کے مطابق نیویارک میں اقوام متحدہ میں 8 ویں گلوبل فورم سے خطاب کرتے ہوئے ترک وزیر خارجہ میولود چاوش اولو کا کہنا تھا کہ پوری دنیا میں تعصب، حقارت اور نفرت کے خلاف ہر ایک کا ایک پائیدارعزم اور سیاسی ارادے کا اظہار کرنا ضروری ہے، عالمی سطح پر ڈائیلاگ اور افہام و تفہیم کے ساتھ تعاون کیلئے اتحاد کا زیادہ مضبوط، زیادہ واضح ، فعال ،موثر اور سیاسی حیثیت سے مقصد سے ہم آہنگ ہونا ضروری ہے ۔ترک وزیر خارجہ میولود چاوش اولو کا کہنا تھا کہ یورپ میں دائیں بازو کی انتہا پسندی میں اس قدر اضافہ ہو گیا ہے کہ اس کی مثال نہیں ملتی، ہمیں یورپ جیسے علاقائی اور عالمی رجحانوں پر افسوس ہے۔
