ڈھاکہ (سچ نیوز)بنگلہ دیش نے کہا ہے کہ روہنگیا مہاجرین کی واپسی وسط نومبر سے شروع ہو جائے گی۔میڈیارپورٹس کے مطابق ان مہاجرین کی واپسی کا معاملہ بنگلہ دیشی وزارت خارجہ کے سیکرٹری شاہدالحق اور اْن کے میانمار سے تعلق رکھنے والے ہم منصب کے درمیان ایک ملاقات میں طے پا گیا۔ میانمار کے خارجہ امور کے انچارج مائنٹ تھْو نے واضح کیا کہ نومبر میں شروع ہونے والی روہنگیا مہاجرین کی واپسی کے لیے مثبت اقدامات کیے گئے ہیں۔ ان مہاجرین کی واپسی کا اعلان ایک ایسے وقت پر کیا گیا ہے، جب اقوام متحدہ کے تفتیشی ماہرین کا کہنا ہے کہ میانمار میں روہنگیا مسلم اقلیت کی نسل کشی بدستور جاری ہے۔
