سعودی عرب میں ایک استاد نے قابل تقلید قدم اٹھایا
ریاض(سچ نیوز)سعودی ویب سائٹ کے مطابق ایک سعودی استاد حسن آل حمادہ نے اپنے گھر کی دیوار پر کتابوں کے تبادلے کیلئے بک شیلف نصب کیا ہے جس سے مقامی شہری کتابیں لے بھی جاتے ہیں اور وہاں نئی کتابیں رکھنے بھی لگے ہیں۔ حسن آل حمادہ نے اس حوالے سے بتایا کہ انہوں نے اپنی پہلی کتاب 1997 میں شائع کی تھی، تب سے وہ یہ سوچتے رہے کہ لوگوں میں کس طرح مطالعے کی عادت کو فروغ دیا جائے ۔انہوں نے بتایا کہ 3 برس قبل بک شیلف قائم کرنے کا خیال آیا تھا مگر اس سال اپنے خواب کو شرمندہ تعبیر کیا۔ آل حمادہ کا کہنا تھا کہ دیوار میں بک شیلف قائم کرنے کی وجہ یہ بھی تھی کہ بعض لوگ کتابیں پڑھتے ہیں اور پھر ان کے گھروں میں انہیں رکھنے کی جگہ نہیں ہوتی۔ ایسے افراد بجائے ان کتابوں کو ضائع کرنے کے یہاں بک شیلف میں لا کر رکھ سکتے ہیں۔
