سویڈن میں ایک انجینئر نے ایسی مشین بنائی ہے جس میں پرندہ اگر بوتل کا ڈھکنا ڈالتا ہے تو اس کے بدلے مشین پرندے کو کھانا فراہم کرتی ہے
سٹاک ہوم (سچ نیوز)میڈیا رپورٹس کے مطابق انجینئر ہانس فورس برگ نے ایک مشین بنائی ہے جس پر اب پرندے بوتل کے ڈھکن لاکر ڈالتے ہیں اور بدلے میں کھانا کھاتے ہیں۔ دلچسپ بات یہ ہے کہ پرندے اس کے عادی ہوگئے ہیں اور وہ روزانہ ہی سڑک پر گرے بوتل کے ڈھکنے لاکر انعام کے طور پر مشین سے اپنا دانہ لے جاتے ہیں۔ہانس فورسبرگ کے مطابق سویڈن میں پایا جانیوالا پرندہ میگ پائی بہت ذہین ہوتاہے اوراس نے یہ کام سیکھ لیا ہے اور اب روزانہ کئی مینگ پائی باغات، سڑکوں اور دیگر مقامات سے بوتل کے ڈھکنے لے کر آتے ہیں ۔مشین میں ایک سوراخ ہے جس کے اندر بوتل کا ڈھکنا گرایا جاتا ہے اور اس کے بدلے مشین دانہ پھینکتی ہے ۔
