پشاور( اکرام الدین) بین الاقوامی گلوبل ٹائمز میڈیا کے مطابق پاکستان مسلم لیگ ق صوبائی ترجمان خیبر پختونخوا صفدر خان باغی اپنے انفارمیشن آفس میں مسلم لیگ ورکرز سے ملاقات کی اور حلقے کی عوام سے علاقائی مسائل اور انکے حل کے تدارک پر تفصیلی گفتگو کی انہوں نے صوبائی حکومت سے مطالبہ کرتے ہوئے کہا کہ نوتھیہ پشاور کی عوام کے لئے طبی سہولت کو یقینی بنانے کے لئے صغرا دیار نوتھیہ ہسپتال کا قیام لازم ملزوم ہے ۔شہید آصف خان باغی پارک پر بیوٹیفکشن اور اوپن ائیر جیم بنوایا جائے، انہوں نے کہا کہ موجودہ حالات میں بڑھتی ہوئی مہنگائی کی روک تھام کیلئے پشاور میں یوٹیلیٹی اسٹورز پر چینی آٹا گھی دیگر اشیاء خورد ونوش کی فراہمی کے ساتھ ساتھ حکومت یوٹیلیٹی اسٹورز پر سبسیڈی دی جائے تا کہ عوام کو سستی اشیاء خوردونوش کی سہولتیں میسر ہوں مسلم لیگ ق کے صوبائی ترجمان صفدر خان باغی نے بین الاقوامی گلوبل ٹائمز میڈیا یورپ کے ساتھ ایک اخباری بیان میں کہا کہ ہم اپنے عظیم بہادر قائدین مرکزی جناب چوہدری شجاعت حسین ،پنجاب اسپیکر چوہدری پرویز الٰہی جنرل سیکرٹری طارق بشیر چیمہ ،سینٹر کامل علی آغا صاحب و صوبائی جنرل وجعی الزمان خان کی قیادت کا پیغام اور پاکستان مسلم لیگ ق کا منشور گھر گھر تک پہنچائیں گے انہوں نے مزید کہا کہ انشاء اللّہ وہ دن دور نہیں جب پورے ملک میں پاکستان مسلم لیگ ق عوامی خدمت سے سرشار ہو کر اس مملکت خداداد پاکستان کو حقیقی معنی میں ترقی و خوشحالی کی راہ پر گامزن کریگی۔
