نواز شریف کے بیانیے سے ان کا بھائی بھی اتفاق نہیں کرتا :فواد چودھری

اسلام آباد (سچ نیوز)تحریک انصاف کے ترجمان فواد چودھری نے کہا ہے کہ نوازشریف کا بھائی بھی ان کے بیانیے سے اتفاق نہیں کرتا اور کوئی کیا کرے گا؟جیونیوز کے پروگرام ”آج شاہ زیب خانزادہ کے ساتھ“ میں گفتگو کرتے ہوئے فواد چودھری نے کہا کہ لوگوں کو اچھی طرح پتہ ہے کہ نظریہ مسلم لیگ ن کا مسئلہ نہیں ۔ پیسے کہاں سے آئے اور کیسے باہر گئے ؟ یہ دوسوال نہ پوچھیں تو سب کچھ ٹھیک ہوجائے گا ۔ انہوں نے کہا کہ نواز شریف کے بیانیے سے خود ان کا اپنا بھائی اتفاق نہیں کرتا تو اور کوئی  کیا کرے گا۔فواد چودھری کا کہنا تھا کہ نوا ز شریف بانی متحدہ ٹو تو ثابت ہو سکتے ہیں لیکن نیلسن منڈیلا بننے کی کوشش نہ کریں۔