(دبئی سچ نیوز ) سابق فوجی حکمران جنرل (ریٹائرڈ) پرویز مشرف کو ہفتے کے دن ریڑھ کی ہڈی و سینے میں دردکی بنا پر دبئی کے ایک نجی کے ہسپتال منتقل کر دیا گیا تھا۔ تاہم اب ان کی طبیعت بہتر ہے جبکہ ڈاکٹرز نے انہیں ایک ہفتہ آرام کا مشورہ دیا ہے۔
آل پاکستان مسلم لیگ کے سربراہ سابق صدر مملکت اور آرمی چیف جنرل (ر) پرویز مشرف کی طعبیت بہتری کی جانب گامزن ہے.ڈاکٹرز کی رائے کی روشنی میں پرویز مشرف نے اپنی تمام سیاسی وسماجی سرگرمیوں کو عارضی طور پر روک دیں، پرویز مشرف کو آئی سی یو سے اسپیشل وارڈ میں شفٹ کردیا گیا ہے، ڈاکٹر 24 گھنٹے پرویز مشرف کی نگہداشت کررہے ہیں۔
اے پی ایم ایل کی مرکزی سیکریٹری جنرل مہرین ملک اور مرکزی رہنما احمد حسین کے مطابق پرویز مشرف کو 2 روز قبل دبئی میں سینے اور ریڑھ کی ہڈی میں تکلیف محسوس ہوئی تھی جس پر اُن کو نجی اسپتال میں شفٹ کیا گیا۔ ڈاکٹروں نے پرویز مشرف کو چیسٹ انفکیشن اور ریڑھ کی ہڈی میں تکلیف بتائی ہے۔
مہرین ملک نے بتایا کہ پرویز مشرف کو آئی سی یو سے اسپیشل روم میں منتقل کردیا گیا ہے،پرویز مشرف ڈاکٹروں کی رائے کے بعد دوبارہ اپنی سیاسی وسماجی سرگرمیوں کا آغاز کریں گے۔
احمد حسین نے بتایا کہ پرویز مشرف کے پاس ان کی اہلیہ صہبا مشرف موجود ہیں۔ڈاکٹرز نے پرویز مشرف سے ملاقاتوں پر پاپندی عائد کردی ہے، انھوں نے پرویز مشرف کی مکمل صحت یابی کیلیے دعا کی اپیل کی ہے۔
