پی سی بی سے فراغت کے بعدنجم سیٹھی کیا کریں گے ؟سابق چیئر مین نے اہم اعلان کردیا

لاہور (سچ نیوز)سابق چیئر مین پی سی بی نجم سیٹھی نے کہاہے کہ وہ ٹی وی پر واپس آرہے ہیں اور ناظرین جلد ان کا پروگرام دیکھ سکیں گے ۔جیونیوز کے پروگرام ”آج شاہ زیب خانزادہ کے ساتھ“ میں گفتگو کرتے ہوئے نجم سیٹھی نے کہاہے کہ میں نے دو وجوہات کی بناءپر استعفیٰ دیاہے ۔ وزیر اعظم عمران خان اس وقت بورڈ کے چیف پیٹرن اور جب نیا چیف پیٹرن آئے تو اس کو اپنی ٹیم لیکر آنی چاہئے ۔اس لئے میں نے سوچا کہ ایک نیا پرائم منسٹر آیا ہے اور وہ بھی ایک کرکٹ لیجنڈ ہے اس لئے اس کو اپنی ٹیم لیکر آنی چاہئے ۔ انہوں نے کہا میں متفقہ طور پر منتخب ہوا تھا اورمیری مدت ابھی دوسال رہتی تھی ۔ اس لئے روایت بنانی چاہئے کہ نیا وزیر اعظم آئے تو وہی چیئر مین پی سی بی کا انتخاب کرے ۔ انہوں نے کہاکہ میڈیا کے اندر باتیں شروع ہوگئیں تھیں ۔ اس لئے میں نے سوچا کہ اگر غیر یقینی صورتحال پیدا ہوگئی تو پی ایس ایل اڑ جائے گا اور میں نے پی ایس ایل کی بہتری کے لئے استعفیٰ دیا ۔ انہوں نے کہاکہ اس وقت بڑا چیلنج پی ایس ایل کو پاکستان واپس لاناہے ۔ ہم نے اگلے تین ماہ میں پی ایس ایل کے 10ملین ڈالر کے اثاثے بیچنے ہیں ۔ انہوں نے کہاکہ میں ٹی وی پر واپس آﺅں گا اورمیر ا پروگرام بہت جلد دیکھنے کو ملے گا ۔