بیجنگ (سچ نیوز ) چینی صدر شی جن پنگ نے غیر قانونی ویکسین بنانے والی کمپنیوں کے خلاف سخت کاروائی کا حکم دیتے ہوئے کہا ہے کہ چانگچن چانگشن لائف سائنسز لیمٹڈ کا ویکسین کی غیر قانونی پیداوار گھناونااو ر قابل نفرت کام ہے، سخت سزا اور سنجیدہ احتساب کے لیے تحقیقات ہونی چاہیں، لوگوں کی صحت پہلی ترجیح ہونی چاہیے۔
چائنہ ریڈیو انٹرنیشنل کے مطابق چین کے صدر شی جن پنگ نے ویکسین کی غیر قانونی پیداوار کے کیس میں تحقیقات کرنے اور ذمہ داروں کے خلاف سخت سزا کا حکم دیا ہے۔ چینی کیمونسٹ پارٹی کی مرکزی کمیٹی کے جنرل سیکرٹری اورمرکزی فوجی کمیشن کیچیر مین شی جن پنگ نے اس وقت حکم دیا ہے جب وہ غیر ملکی دورے کر رہے ہیں ۔ شی نے کہا کہ لوگوں کی صحت پہلی ترجیح ہونی چاہیے اور بنیادی صحت کے تحفظ کے لیے پختہ طریقے سے حفاظت کی جانی چاہیے ۔ چانگچن چانگشن لائف سائنسز لیمٹڈ کی جانب سے ویکسین کی غیر قانونی پیداوار گھناونااو ر قابل نفرت کام ہے ۔ انہوں نے کہا کہ متعلقہ محکمے اور مقامی اتھارٹیز کو قریب اور توجہ کے ساتھ فوری اس کیس کو حل کر کے سچ سامنے لانا چاہیے ، سخت سزا اور سنجیدہ احتساب کے لیے تحقیقات ہونی چاہیں اور کیس کی پیش رفت کے حوالے سے بروقت لوگوں کو بتایا اور تشہیر کی جائے۔
