واشنگٹن ( سچ نیوز ) امریکی صدر ڈونلڈ ٹرمپ نے کہا ہے کہ انہیں دھاندلی کے ثبوت مل چکے ہیں اور اب وہ نتائج چیلنج کرنے جا رہے ہیں۔
اپنے ایک ٹویٹ میں صدر ڈونلڈ ٹرمپ نے کہا کہ حال ہی میں جوبائیڈن نے جن ریاستوں میں کامیابی کا دعویٰ کیا ہے ہم انہیں ووٹر فراڈ اور ریاستی الیکشن فراڈ کی بنیاد پر چیلنج کریں گے۔
انہوں نے کہا کہ ان کے پاس نتائج چیلنج کرنے کیلئے کافی ثبوت ہیں۔ ہم ضرور جیتیں گے، سب سے پہلے امریکہ۔خیال رہے کہ امریکہ کے صدارتی انتخابات کے نتائج تاحال مکمل نہیں ہوئے ہیں اور 6 ریاستوں میں اب بھی ووٹوں کی گنتی جاری ہے اور یہی ریاستیں فیصلہ کریں گی کہ امریکہ کا اگلا صدر کون ہوگا۔