برلن(سچ نیوز)جرمن اداروں ڈوئچے بان اور ڈوئچے ٹیلی کام نے ایران میں اپنے جاری پراجیکٹس کو بند کرنے کا اعلان کر دیا،منصوبوں کی بندش پر عمل در آمد باہمی مشاورت سے ڈالر کے استعمال پر پابندی کی وجہ سے کیا گیا۔
غیر ملکی میڈیا کے مطابق جرمن اداروں ڈوئچے بان اور ڈوئچے ٹیلی کام نے ایران میں اپنے جاری پراجیکٹس کو بند کرنے کا اعلان کیا ہے۔ ان منصوبوں کی بندش بھی ایران پر عائد کی جانے والی نئی امریکی پابندیوں کا نتیجہ ہے۔ ایران پر امریکا نے گزشتہ ہفتے کے دوران اقتصادی پابندیاں عائد کی ہیں۔ جرمن ریلوے ایران میں دو منصوبے جاری رکھے ہوئے تھی۔ ڈوئچے بان کی خاتون ترجمان کے مطابق ڈالر کے استعمال پر پابندی کی وجہ سے ان منصوبوں کو باہمی مشاورت سے ختم کر دیا گیا ہے۔ تیل کی بڑی انٹرنیشنل کمپنی ٹوٹل اور کار ساز اداروں ڈائملر اور رینو نے بھی ایران میں اپنے منصوبوں کو غیر معینہ مدت کے لیے بند کرنے کا فیصلہ کیا ہے۔
