بغداد (سچ نیوز)عراق کے وزیراعظم حیدر العبادی نے کہا ہے کہ ان کی حکومت ڈالر کی حد تک ایران پرعائد امریکی پابندی کا احترام ضرور کرے گی لیکن بقیہ تمام پابندیوں پرعمل کرنا مشکل ہو گا۔ العبادی نے مزید کہا کہ وہ ایران کے ساتھ کاروبارمیں ڈالر کا استعمال نہیں کریں گے۔ ملکی وزیراعظم نے یہ بات ایک نیوز کانفرنس میں کہی۔ العبادی اس سے قبل کہہ چکے ہیں کہ امریکا کی جانب سے ایران پر عائد کی جانے والی پابندیوں سے متفق نہیں ہیں لیکن انہیں اپنے ملکی مفاد کے لیے پابندیوں کو تسلیم کرنا پڑے گا۔ امریکا اور ایران داعش کے خلاف جنگ میں عراق کے اتحادی تھے۔
