چنیوٹ ( ڈسٹرکٹ رپورٹر)
چنیوٹ جھنگ روڈ پر واقع مقامی زم زم کیش اینڈ کیری پر جشن عید میلادالنبی صلی اللہ علیہ وآلہ وسلم کے سلسلہ میں کیک کاٹنے کی تقریب منعقد ہوئی شہر کی اہم شخصیات کی شرکت ملکی سلامتی کے لیے دعا کروائی گئی تفصیلات کے مطابق چنیوٹ جھنگ روڈ پر واقع زم زم کیش اینڈ کیری پر جشن عید میلادالنبی صلی اللہ علیہ وآلہ وسلم کے سلسلہ میں کیک کاٹنے کی تقریب کا اہتمام کیا گیا جس میں شہر کی سیاسی سماجی وکلا صحافیوں تاجروں کے علاؤہ اہم شخصیات نے شرکت کی چیف ایگزیکٹو زم زم کیش اینڈ کیری ملک محمد طاہر ،چوہدری عدیل سرور ،غلام مرتضیٰ ہیرو ،بابر منیر ،سیکرٹری اطلاعات ڈسٹرکٹ پریس کلب چنیوٹ عامر صدیقی رانا فیصل بشیر ایڈوکیٹ سمیت دیگر مہمانوں کے ہمراہ کیک کاٹا اس موقع پر انہوں نے کہا ہے کہ نبی کریم صلی اللہ علیہ وآلہ وسلم کی ولادت باسعادت جشن عید میلادالنبی ہمیں اتفاق و اتحاد بھائی چارے کے ساتھ ساتھ حسن اخلاق کا درس دیتا ہے ہمیں چاہیے کہ ہم سرکار دوعالم صلی اللہ علیہ وآلہ وسلم کی تعلیمات پر عمل پیرا ہو کر اپنی زندگیاں بسر کریں انہوں نے کہا کہ معاشرتی نظام میں فساد کی نحوست کی ایک وجہ نبی کریم صلی اللہ علیہ وآلہ وسلم کی تعلیمات سے دوری ہے۔غربا یتیموں مسکینوں بیواؤں بے سہارا بے آسرا افراد کی مدد کرنا ہماری اولین ترجیح ہونی چاہیے
