اسلام آباد (سچ نیوز)پیپلز پارٹی کے رہنمااعتزاز احسن نے کہاہے احتساب عدالت کے جج محمد بشیر نے نواز شریف کیخلاف ریفرنسز کی سماعت سے معذرت نہیں کی بلکہ اسلام آباد ہائیکورٹ سے ر ہنمائی مانگی ہے ۔جیو نیوز کے پروگرام”پاکستان کو ووٹ دو“ میں گفتگو کرتے ہوئے اعتزاز احسن نے کہا کہ جج محمدبشیر نے اسلام آباد ہائیکورٹ سے یہ نہیں کہا کہ وہ نواز شریف کے خلاف ریفرنسز کی سماعت نہیں کر سکتے اور انہوں نے کیس سننے سے معذرت نہیں کی بلکہ انہوں نے عدالت عالیہ سے اس سلسلے میں رہنمائی مانگی ہے ۔ اس پر اسلام آباد ہائیکورٹ ان سے کہہ سکتا ہے کہ آپ اس کیس کو سنیں یا نہ سنیں ۔ یہ کوئی اچنبھے والی بات نہیں ہے ۔ ایسا ہوتا رہتا ہے ۔ انہوں نے کہا کہ ایون فیلڈ ریفرنس میں الگ الگ قسم کے الزامات تھے اس لئے ایک الزام میں نوازشریف کو کرپشن کے الزام سے بری کردیا ہے جس کومسلم لیگ ن کی جانب سے اچھالا جارہا ہے لیکن ان کو سزا کرپشن کے دوسرے الزاما ت میں ہوئی ہے۔
