نیروبی (سچ نیوز )ایتھوپیا کے تباہ ہونے والے طیارے بوئنگ 737 میکس 8 میں جہاز کے عملے سمیت149 افراد سوار تھے جن میں سے کسی کے بھی بچنے کی امید نہیں کی جارہی ہے ۔برطانوی نشریاتی ادارے (بی بی سی ) کی رپورٹ میں بتایا گیا ہے کہ ایتھوپیا ایئر لائن کے طیارے نے ’ ایڈس ابابا ‘ نامی ایئر پورٹ سے کینیا کیلئے پرواز بھری لیکن کچھ دو رجا کر چھ منٹ کے بعد اس کا رابطہ منقطع ہو گیا اور جہاز حادثے کا شکار ہو گیا ۔جس کے نتیجے میں جہاز میں موجود تمام افراد ہلاک ہو گئے ہیں ، جہاز میں 33 ممالک کی شہریت رکھنے والے 149 افراد سوار تھے جبکہ 7 رکنی عملہ بھی جہاز میں سوار تھا ۔ جہاز آج صبح تقریب 8 بج کر 44منٹ پر حادثے کا شکار ہوا ۔ایئر لائن کی جانب سے تاحال معلومات فراہم نہیں کہ کن وجوہات کی بنیاد پر طیارہ گر کر تباہ ہو ا ۔ دو سری جانب ڈیلی میل آن لائن کا کہناہے کہ تباہ ہونے والا طیارہ ایئر لائن کی جانب سے چند ماہ قبل ہی خریدا گیا تھا ۔بی بی سی کے مطابق ایک عینی شاہد نے بتایا کہ جیسے ہی طیارہ زمین پر گرا تو ایک زور دار دھماکہ ہوا اور آگ لگ گئی ، طیارہ تباہ ہونے کی خبر وزیراعظم ‘ ابی احمد ‘ کی جانب سے دی گئی اور انہوں نے متاثرہ خاندان کے افراد کے ساتھ اظہار افسوس بھی کیا ۔
