ممبئی (سچ نیوز) معروف بھارتی گلوکار نتین بالی ٹریفک حادثے میں زخمی ہونے بعد دوران علاج چل بسے۔بھا رتی میڈیا رپورٹس کے مطابق ممبئی کے مضافاتی علاقے میں ان کی کار کو حادثہ پیش آیا جس کے بعد انہیں طبی امداد کیلئے ہسپتال لے جایا گیا۔ہسپتال میں ڈاکٹرز نے بالی ووڈ گلوکار کے چہرے پر ٹانکے لگا کر فارغ کردیا لیکن طبیعت بگڑنے پر انہیں دوبارہ ہسپتال لے جایا گیا تاہم وہ جانبر نہ ہوسکے۔پولیس کے مطابق 47 سالہ نتین بالی کے سر میں شدید چوٹیں آئی تھیں جس کے باعث ان کی موت واقع ہوئی۔نتین بالی نے 90 کی دہائی میں شہرت حاصل کی تھی جب انہوں نے گانا ’نیلے نیلے امبر‘ کا ریمکس کیا تھا۔انہوں نے کیریئر میں کئی مشہور گیت گائے ہیں جس میں ’چھو کر میرے من کو‘ اور ’پل پل دل کے پاس‘ کے ری میک بھی شامل ہیں۔نتین بالی نے ٹی وی ڈراموں کی مشہور اداکارہ روما بالی سے شادی کی تھی جس سے ان کا ایک بیٹا بھی ہے۔
