کراچی: (سچ نیوز) سندھ میں جعلی بینک اکاؤنٹس سے منی لانڈرنگ کیس کی تحقیقات جاری ہیں، جعلی اکاؤنٹس کے ذریعے پیسوں کی منتقلی میں معروف ماڈل ایان علی کے ملوث ہونے کا انکشاف ہوا ہے۔
سندھ میں جعلی بینک اکاؤنٹس سے پیسوں کی منتقلی کے معاملے میں ایف آئی اے کی تحقیقات جاری ہیں۔ سابق صدر آصف علی زرداری، فریال تالپور، حسین لوائی ، انور مجید اور ان کے صاحبزادوں کے بعد معروف ماڈل ایان علی کا بھی میگا منی لانڈرنگ سیکنڈل میں ملوث ہونے کا انکشاف ہوا ہے۔
ذرائع کے مطابق ماڈل ایان علی کے اکاؤنٹس سے جعلی اکاؤنٹس کا لنک ملا ہے۔ ایان علی کے اکاؤنٹ میں جعلی اکاؤنٹس سے پیسوں کی ٹرانزیکشنز ہوئیں۔ ایف آئی اے حکام کا مزید کہنا ہے کہ معاملے سے متعلق جانچ پڑتال کر رہے ہیں۔
