مشتبہ پیکٹ برآمد ہونے پر نیوزی لینڈ کے شہر ڈیونیڈن کا ایئر پورٹ بند کر دیا گیا

ڈیونیڈن (سچ نیوز )نیوزی لینڈ کے شہر ڈیونیڈن کے ایئر پورٹ سے مشتبہ پیکٹ برآمد ہونے پر ایئر پورٹ کو عارضی طور پر بند کر دیا گیا ہے ۔غیر ملکی ویب سائٹ ” نیوز حب “ کی رپورٹ کے مطابق اطلاعات ہیں کہ مشتبہ پیکٹ ایئر فیلڈز میں سے برآمدہوا ہے ، متعلقہ علاقے کو پولیس نے گھرے میں لے لیا ہے اور خصوصی ٹیم کو طلب کر لیا گیاہے جو کہ مشتبہ پیکٹ میں مواد کو جانچنے کی کوشش کر رہی ہے ۔مشتبہ پیکج برآمد ہونے کے فوری بعد ایئر پورٹ پر لینڈ کرنے والی دو پروازوں کے رخ موڑ دیئے گئے ہیں اور ایئر پورٹ پر فضائی آپریشن عارضی طور پر معطل کر دیا گیا ہے ۔عینی شاہد کاکہنا ہے کہ وہ مشتبہ پیکج دراصل نیوی گیشن آوٹ بلڈنگ کے قریب سے برآمد ہو اہے ،یاد رہے کہ جمعہ کے روز دہشتگرد نے دو مساجد میں داخل ہو کر اندھا دھند فائرنگ کر دی جس کے نتیجے میں 49 نمازی شہید ہو گئے جن میں 9 پاکستانی بھی شامل ہیں ۔ حالات کے پیش نظر نیوزی لینڈ میں ایمرجنسی سروسز کو پہلے ہی ہائی الرٹ پر رکھا گیا ہے ۔