مہارا شٹر(سچ نیوز)بھارت میں معروف ٹی وی سیریل میں کام کرنے والی مراٹھی اداکارہ و ماڈل پردنیا پارکرنے اپنی 17 سالہ نوجوان بیٹی کو قتل کرنے کے بعد پنکھے سے لٹک کر خود کشی کر لی ،پولیس نے دونوں لاشیں قبضے میں لینے کے بعدتحقیقات کا آغاز کر دیا ہے۔ بھارتی نجی ٹی وی کے مطابق مہاراشٹر کے علاقے گوری سمن سوسائٹی میں رہائش پذیر مراٹھی اداکارہ دنیا پارکر نے اپنی 17 سالہ بیٹی کو بے دردی سے قتل کرنے کے بعد پنکھے سے لٹک کر خود کشی کر لی،اداکارہ دنیا پارکر کے بارے میں بتایا جارہا ہے کہ وہ آج کل کام نہ ملنےکی وجہ سے ذہنی دباؤ (ڈپریشن) کا شکارہوگئی تھی۔ اطلاع ملنے پر پولیس نے دونوں لاشوں کواپنے قبضےمیں لیتے ہوئے پوسٹ مارٹم کے لئے بھیج دیا ہے اور گھر سے تلاشی کے دوران پولیس کو سوسائڈ نوٹ بھی ملا ہے جسمیں اداکارہ نےلکھا ہےکہ وہ بہت تناؤ میں ہے اوراس لئے17 سال کی بیٹی شروتی کا قتل کرکے خودکشی کرنے جارہی ہے۔پولیس کا کہناہے کہ پردنیا پارکرمراٹھی ٹی وی انڈسٹری میں کام کرتی تھی اور گذشتہ کچھ عرصہ سے اسے کہیں کام بھی نہیں مل رہاتھا جبکہ اس کے شوہرکا کاروبار بھی ٹھپ پڑا تھا ۔
