اسلام آباد (سچ نیوز) اداکارہ مہوش حیات کو ریاست پاکستان کی طرف سے تمغہ امتیاز سے نوازا گیا تو سوشل میڈیا پر بحث شروع ہوگئی اور کئی صارفین نے اداکارہ کو تنقید کا نشانہ بنانا شروع کردیا، لیکن جہاں ایک طرف لوگ تنقید کررہے ہیں تو وہیں کچھ لوگ اداکارہ کے حق میں بھی آواز اٹھارہے ہیں جن میں تازہ اضافہ وفاقی وزیربرائے انسانی حقوق شیریں مزاری نے کیا ۔مائیکروبلاگنگ ویب سائٹ ٹوئٹر پر شیریں مزاری نےتنقید کرنے والوں کو بیماراورخراب ذہنیت کے افراد قراردے دیا۔مہوش حیات نے لکھا کہ ’ مجھے ابھی اس بارے علم ہوا اور یہ جان کر شدید کوفت ہوئی کہ کچھ لوگوں نے مہوش حیات کو تمغہ امتیاز ملنے پر نہ صرف تنقید کا نشانہ بنایا بلکہ ان کی کردارکشی بھی کی۔ مہوش حیات کو یہ اعزاز بطور اداکارہ ان کی شاندار کارکردگی کوتسلیم کرتے ہوئے دیا گیا ہے، لیکن کچھ مایوس اور بیمار ذہن افراد انہیں اعزاز ملنے پر اس فیشن کی خواتین کو نشانہ بنارہے ہیں۔ واضح رہے کہ اس سے قبل شوبز انڈسٹری سے تعلق رکھنے والے دیگر فنکار بھی مہوش حیات کے حق میں آوازیں اٹھاچکے ہیں۔
