کراچی (سچ نیوز )پاکستانی اداکارہ ما یا علی نے کہا ہے کہ شوبز کی وجہ سے میرے والد نے تین برس تک مجھ سے بات چیت نہیں کی تھی، لیکن ”من مائل“ میں میری اداکاری دیکھ کر کہا تھا کہ تم کو اس ڈرامے میں ضرور ایوارڈ ملے گا اور پھر ان کی دعا قبول ہوئی اور مجھے لکس اسٹائل ایوارڈ سے نوازا گیا۔ان کا کہنا ہے کہ میں ماہرہ خان کی سب سے بڑی فین ہوں، کبھی سوچا بھی نہیں تھا کہ ان کے ساتھ اسکرین شیئر کروں گی، وہ فلموں کی سپر سٹار ہیں۔رپورٹس کے مطابق انہوں نے کہا کہ وہ زمانہ چلا گیا جب فلموں کی ہیروئنیں ایک دوسرے کے بال نوچتی تھیں اور چیختی چلاتی تھیں، لیکن اب ماحول بدل گیا ہے، سینئر اداکارہ میرا جی کے ساتھ ایک گانے میں رقص بھی کیا، وہ ہماری فلم انڈسٹری کی پہچان ہیں اور انہوں نے انڈسٹری کی بہت خدمت کی ہے۔انہوں نے بتایا کہایک سوال کے جواب میں مایا علی نے بتایا کہ ”طیفا ان ٹربل“ میں لکس اسٹائل ایوارڈ کے لیے میں بہت پر امید تھی لیکن وہ سمجھتی ہیں کہ زیادہ حقدار مہوش حیات تھیں کیونکہ انہوں نے ”لوڈ ویڈنگ“ میں لاجواب اداکاری کی تھی۔
