نیوزی لینڈ میں خود کار اسلحے پر پابندی ، جن لوگوں کے پاس موجود ہے حکومت ان سے کس طرح واپس لے گی ؟ زبردست اعلان کر دیا گیا

ویلنگٹن(سچ نیوز )سانحہ کرائسٹ چرچ کے بعد نیوزی لینڈ کی وزیراعظم جیسنڈ آرڈن نے خود کار اسلحہ پر پابندی عائد کر دی ہے تاہم لوگوں کے پاس پہلے سے موجود اسلحے کی واپسی کیلئے ایمنسٹی سکیم لانے کا اعلان کر دیا گیا ہے ۔غیر ملکی میڈیا کے مطابق نیوزی لینڈ کی وزیراعظم جیسنڈ آرڈن نے ملک میں آٹو میٹیک اسلحے کی فروخت پر بھی پابندی عائد کر دی ہے ۔نیوزی لینڈ کی وزیراعظم کا کہنا تھا کہ اسلحے پر پابندی کے لیے قانون سازی فوری طور پر کی جائے گی اور اس وقت تک اسلحے کی خریداری روکنے کے لیے عبوری اقدام اٹھایا گیا ہے۔انہوں نے کہا کہ اسلحہ کی واپسی پر 100 سے 200 ملین ڈالر تک اخراجات آئیں گے اور ایمنسٹی اسکیم کے دوران اسلحہ واپس نہ کرنے والوں کو سخت سزا کا سامنا ہوگا۔وزیراعظم جسینڈا آرڈرن نے کہا کہ حکم کی خلاف ورزی کرنے والوں کو 4 ہزار ڈالر جرمانہ اور 3 سال تک قید کی سزا ہوسکتی ہے۔