وزیراعظم کی اپیل پر شاہد آفریدی بھی میدان میں آ گئے، ایسی بات کہہ دی کہ اوورسیز پاکستانیوں کی خوشی دوبالا ہو جائے گی

لاہور (سچ نیوز) وزیراعظم عمران خان کی جانب سے ڈیمز فنڈ میں رقوم جمع کرانے کی اپیل کے بعد پاکستانی دل کھول کر رقوم بھیجنے میں مصروف ہیں جبکہ شاہد خان آفریدی نے بھی اس اپیل کے بعد ایسا پیغام جاری کر دیا ہے کہ اوورسیز پاکستانیوں کی خوشی دوبالا ہو جائے گی۔

شاہد خان آفریدی نے سماجی رابطوں کی ویب سائٹ ٹوئٹر پر جاری اپنے پیغام میں لکھا ”بیرون ملک مقیم پاکستانی ملک کیلئے اثاثہ ہیں اور انہوں نے ملک کی بہتری کیلئے ہمیشہ کردار ادا کیا ہے۔ وقت ہے آپ کے آگے بڑھ کر ڈیم فنڈ میں حصہ لینے کا تاکہ ہم اپنے ملک کی بہتری کیلئے حصہ ڈال سکیں۔ #1000forPakistan صرف ہمارے لئے نہیں بلکہ آئندہ آنے والی نسلوں کیلئے ہے۔“