واشنگٹن (سچ نیوز) امریکی ایوان نمائندگان کی سپیکر نے صدر ٹرمپ کے مواخذے کی مخالفت کر دی۔ نینسی پلوسی کا کہنا ہے کہ بطور صدر ٹرمپ پر شبہات ہیں لیکن انکا مواخذہ نہیں چاہتی، مواخذہ امریکا کو تقسیم کی جانب لیجائے گا۔نمائندگان کی سپیکر نینسی پلوسی نے امریکی اخبار واشنگٹن پوسٹ سے گفتگو کرتے ہوئے کہا کہ ڈونلڈ ٹرمپ اس قابل ہی نہیں کہ انکا مواخذہ بھی کیا جائے، ایسا اقدام اس وقت تک نہیں اٹھانا چاہیئے جب تک اس کے لئے مجبور نہ ہو جائیں، میں نہیں سمجھتی کہ ٹرمپ امریکی صدارت کیلئے اہل ہیں، ڈونلڈ ٹرمپ اخلاقی، ذہانت کے اعتبار سے صدارت کے اہل نہیں۔
