لاہور(سچ نیوز) مایہ ناز پاکستانی اداکار فواد خان نے کہا ہے کہ پنجابی فلموں میں کام کر نے سے خوفزدہ نہیں ہوں اگر کسی اچھی فلم میں موقع ملے گا تو ضرور کام کروں گا۔تفصیلات کے مطابق اپنے انٹرویو میں فواد خان کا کہناتھا کہ اس بات میں کوئی شک نہیں کہ پاکستانی فلم انڈسڑی کی مضبوطی میں پنجابی فلموں کا ہمیشہ سے اہم کردار رہا ہے اور اگر مجھے بھی پنجابی فلموں میں کام کر نے کا موقعہ ملا تو ضرورکام کروں گا۔انہوں نے مزید کہاکہ مجھے بھی پاکستانی فلم انڈسڑی اور اسکی ترقی سے بہت محبت ہے۔واضح رہے کہ فواد خان اس وقت پاکستانی کے سب سے پرکشش اداکار ہیں جو نا صرف پاکستان بلکہ ہمسایے ملک میں بھی اداکاری کے جوہر دکھاچکے ہیں۔
