ایران میں بوائلر دھماکہ،10افراد جاں بحق ،5زخمی

تہران(سچ نیوز) ایران کے شہر مشہد میں بوائلر دھماکے سے پھٹ گیا، جس کے نتیجے میںوہاں موجود 10 افراد جاں بحق اور5 شدید زخمی ہو گئے ہیں۔ایرانی میڈیا کے مطابق بوائلر پھٹنے کاحادثہ مشہد کے رہائشی علاقے میں پیش آیاتھا، بوائلر پھٹنے سے قریب کی3 رہائشی عمارتیں مکمل تباہ ہوگئیں اورساتھ ہی 15 گھروں کو بھی نقصان پہنچاہے۔ادھر ریسکیو اہلکاروں نے جائے حادثہ پر پہنچ کر امدادی کاموں کا آغاز کردیا،اہلکار عمارتوں کا ملبہ ہٹانے کی کوشش کررہے ہیں تاکہ مزید افراد جو ملبے تلے دبے ہوں انہیں باہر نکالا جاسکے۔ریسکیو ذرائع کا کہنا ہے کہ حادثے میں جاں بحق ہونے والوں کو پوسٹ مارٹم اور زخمیوں کو فوری طبی امداد کی فراہمی کے لیے ہسپتال منتقل کردیا گیا ہے۔