لاہور (سچ نیوز) مسلم لیگ ن کے رہنما بلیغ الرحمن نے کہا ہے کہ تحریک انصاف تبدیلی لے آئی ہے ، پہلے کہا جاتا تھا کہ مسلم لیگ ن اور پیپلز پارٹی ملی ہوئی ہیں اور اب کہتے ہیں کہ اپوزیشن متحد نہیں ہو سکتی ، یہ ان کے موقف میں تبدیلی ہے ۔
سماءنیوز کے پروگرام ”ندیم ملک لائیو“ میں گفتگو کرتے ہوئے بلیغ الرحمن نے کہا کہ تحریک انصا ف تبدیلی لے آئی ہے ۔ تحریک انصاف والے پہلے یہ کہتے تھے کہ ن لیگ اور پیپلز پارٹی ایک دوسرے کے ساتھ ملے ہوئے ہیں اور اب کہہ رہے ہیں کہ اپوزیشن کبھی اکٹھی نہیں ہو سکتی ۔ یہ تحریک انصاف کے موقف میں بھی تبدیلی ہے ۔انہوں نے کہا کہ وزیر اعظم یاپارٹی کا سربراہ جس شخص کو ہونا چاہئے اس میں مردم شناسی ہونی چاہئے ۔ تحریک انصاف کا ریکارڈ ہمیشہ یہ رہاہے کہ پہلے وہ ایک شخص کو بہتر سمجھتے ہیں اورپھر کہتے ہیں کہ یہ غلط ہیں ۔ ہر چیز میں یہ بیک ٹریک کرتے ہیں، موجودہ حکومت جعلی طریقے سے وجود میں آئی اور اس کی ڈوریاں کہیں اور سے ہلتی ہیں۔