سیکرمنٹو(سچ نیوز) ہم تو مرنے والوں کو دفن کرتے ہیں، مغربی ممالک میں بہت سے لوگ مرنے والے عزیزوں کو جلا کر اُن کی راکھ اپنے گھر میں محفوظ کر کے رکھ لیتے ہیں، مگر ایک امریکی لڑکی نے تو حد ہی کر دی، اپنی آنجہانی دادی کی راکھ دھوکے سے اپنے ساتھی طلبا و طالبات کو کھلا دی۔برطانوی نشریاتی ادارے کے مطابق یہ لڑکی ریاست کیلیفورنیا کے ڈاونچی ہائی سکول کی طالبہ ہے۔ اُس نے دو ہفتے قبل اپنے ساتھی طالب علموں کو گھر میں بنے بسکٹ کھلائے تھے۔ چند دن بعد اُس نے اپنے ساتھیوں کو بتایا کہ جو بسکٹ انہیں کھلائے تھے اُن میں آنجہانی دادی کی راکھ بھی ڈالی تھی۔ یہ بات سننے کر بیچارے کلاس فیلو بے حدپریشان ہوئے اور اپنے والدین اور سکول کی انتظامیہ کو اس بات کی خبر کی۔ لڑکی نے ایسی عجیب و غریب حرکت کیوں کی، یہ تو واضح نہیں البتہ پولیس کا کہنا ہے کہ اس معاملے کی تفتیش کی جا رہی ہے۔
