سیاست دانوں نے پاکستان کو مسائلستان بنا دیا :خادم حسین رضوی

کراچی (سچ نیوز )تحریک لبیک پاکستان کے قائد علامہ خادم حسین رضوی نے کہا ہے کہ اسلام ریاست کے شہری کو بنیادی ضروریات فراہم کرنے کی ضمانت فراہم کرتا ہے،لٹیر ے سیاست دانوں نے پاکستان کو مسائلستان بنادیا ہے۔انہوں نے کہا کہ25جولائی کو نماز فجر کے بعد اپنے پولنگ اسٹیشن پہنچ کر کرین کے نشان پر مہرلگا کر کرپشن اور کمیشن کی گند سے سیاست کو پاک کرنا ہے۔کراچی کے مختلف علاقوں میں اظہار خیال کرتے ہوئے ان کا کہنا تھا کہ ملک میں گرم انقلاب نہیں نرم انقلاب کے ذریعے تبدیلی کا آغاز ہوچکا ہے عوام حکمرانوں کے فریب میں نہیں آئیں۔انہوں نے کہا کہ حکمرانوں سے بدلہ ووٹ کے ذریعے لیں گے عوام ختم نبوت پر ڈاکہ ڈالنے والوں کا اپنا مقدس ووٹ نہ دیں ہم پر دہشت گردی کا الزام لگانے والے سن لیں ہم سے بڑا پرامن کوئی نہیں ہے۔