”آئین زلفی بخاری کے ۔۔۔“سابق صدر وسیم سجاد نے ایسی بات کردی کہ جان کر وزیر اعظم کی طبیعت بھی ہشاش بشاش ہوجائیگی

لاہور (سچ نیوز) سابق صدر وسیم سجاد نے کہاہے کہ آئین زلفی بخار ی کے وزیر اعظم عمران خان کے مشیر بننے کی راہ میں کوئی رکاوٹ پیدا نہیں کرتا لیکن اس پر ردعمل آئے گا اور تنقید بھی ہوگی ۔دنیا نیوز کے پروگرام ”دنیا کامران خان کے ساتھ“ میں گفتگو کرتے ہوئے وسیم سجاد نے کہا کہ آئین زلفی بخاری کے وزیر اعظم کے مشیر بننے کے راستے میں کوئی رکاوٹ نہیں پیدا کرتا ۔ ان کے خلاف نیب میں انکوائری ہے لیکن اگر اس پر کوئی ریفرنس آجاتاہے تو پھر شائد بابر اعوان جیسا طرز عمل اپنایا جائے ۔ انہوں نے کہا کہ ا س حوالے سے تحریک انصاف پر تنقید تو ہوگی لیکن یہ ایک سیاسی پہلوہے ۔ اس پر ردعمل آئے گا اور سامنا کرنا پڑے گا اور جواب بھی دینا ہوگا کہ اس شخص میں ایسی کیا بات تھی کہ اس کو وزیر اعظم کا معاون خصوصی مقرر کیا گیا ؟ انہوں نے کہا کہ اگر زلفی بخاری کی کار کردگی اچھی ہوئی تو شائد یہ بات نکل جائے لیکن اگر ان کی کارکردگی اچھی نہ ہوئی تو پھر اس پر تنقید بھی شدید ہوگی اور جواب دہ بھی ہونا پڑے گا ۔