اسرائیل کا غزہ پر فضائی حملہ، کارروائی تل ابیب پر راکٹ فائر کرنے کے بعد کی گئی : اسرائیلی سیکیورٹی فورسز

تل ابیب ( سچ نیوز )اسرائیل نے غزہ پر فضائی حملہ کرتے ہوئے متعدد مقامات پر شدید بمباری کی ہے جس کے بارے میں کہا جارہاہے کہ یہ کارروائی تل ابیب پر دو راکٹ فائر کرنے کے بعد کی گئی ہے ۔الجریزہ کے مطابق اسرائیلی سیکیورٹی فورسز کا کہناہے کہ انہوں نے فلسطین میں حماس کے 100 ٹھکانوں کو نشانہ بنایا ہے اور یہ کارروائی گزشتہ رات غزہ کی پٹی سے تل ابیب پر فائر کیے جانے والے دو میزائل کے جواب میں کی گئی ۔حماس کی جانب سے تل ابیب پر راکٹ فائر کیے جانے سے متعلق تمام دعووں کی تردید کر دی ہے ۔اسرائیلی فورسز کی جانب سے غزہ میں فضائی کارروائی تقریبا پوری رات جاری رہی ہے تاہم ابھی تک اس حملے میں ہونے والے جانی نقصانات سے متعلق کوئی اطلاعات سامنے نہیں آ سکی ہیں ۔میڈیا رپورٹس میں یہ بتایا جارہاہے کہ اسرائیلی طیاروں نے خان یونس بندرگاہ پر دو میزائل فائر کیے اور چلے گئے جس کے بعد وہ طیارے دوبارہ واپس آئے اور انہوں نے اسی جگہ پر مزید چارمرتبہ کارروائی کی ۔اسرائیلی ریڈیو کا کہناہے کہ یونس خان بندرگارہ حماس نیول کمانڈوس کی بیس تھی ۔اسرائیلی میڈیا کی جانب سے سوشل میڈیا پر ویڈیو ز شیئر کی جارہی ہیں جس میں ایمرجنسی سائرنز بجتے ہوئے سنائی دیتے ہے اور کہا جارہاہے کہ دو میزائل کھلے علاقے میں گرے جس کے باعث کوئی جانی نقصا نہیں ہواہے ۔