بھارتی فلم انڈسٹری کی ایک اور جوڑی شادی کیلئے تیار؟ خبرآگئی

ممبئی(سچ نیوز)  بالی ووڈ اداکار ورون دھون نے بھی اپنی دیرینہ دوست نتاشادلال کیساتھ شادی کا فیصلہ کرلیا اور اس سلسلے میں مبینہ طورپرانہوں نے اپنی فلم’’اسٹریٹ ڈانسر‘‘ کی ریلیز کی تاریخ آگے بڑھادی۔میڈیا رپورٹس کے مطابق بالی ووڈ میں آج کل اداکار ورون دھون اور ان کی دیرینہ دوست نتاشا دلال کی شادی کی خبریں گردش کررہی ہیں، فلم نومبر میں ریلیز ہونی تھی لیکن ورون دھون نے فلم کے ہدایت کار ریموڈی سوزا سے درخواست کی ہے کہ وہ فلم کو اگلے سال جنوری میں ریلیز کریں کیونکہ وہ دسمبر میں اپنی دیرینہ دوست نتاشا دلال کے ساتھ شادی کررہے ہیں۔یاد رہے کہ ورون دھون اور نتاشا دلال گزشتہ کئی برسوں سے ایک ساتھ ہیں، دونوں نے اپنے رشتے کو کبھی میڈیا سے چھپانے کی کوشش نہیں کی اور دونوں کئی مواقع پر ایک دوسرے کے ہاتھوں میں ہاتھ ڈالے نظر آئے ہیں۔ ورون دھون نے کرن جوہر کے شو کافی ود کرن سیزن 6 میں باقاعدہ نتاشا کے ساتھ اپنے تعلقات کی تصدیق کرتے ہوئے کہا تھا کہ مستقبل میں دونوں کا شادی کے بندھن میں بندھنے کا ارادہ ہے۔