ڈھاکا (روزنامہ سچ نیوز ) طاقتور سمندری طوفان ’موچا‘ میانمار اور بنگلا دیش کے ساحلوں سے ٹکرا گیا جس کے باعث 4 لاکھ افراد کو ساحلی علاقوں سے نقل مکانی کرنا پڑی ہے۔
غیر ملکی میڈیا کے مطابق سمندی طوفان ’’موچا‘‘ کے باعث ہونیوالی موسلا دھار بارشوں اور 195 کلومیٹر فی گھنٹا کی رفتار سے چلنے والی تیز ہواؤں نے معمولات زندگی کو درہم برہم کرکے رکھ دیا، خلیجِ بنگال میں بننے والے کیٹگری 5 شدت کے طوفان کے پیش نظر پہلے ہی بنگلادیش کے ساحلی علاقوں سے4 لاکھ افراد کو محفوظ مقام پر منتقل کردیا گیا تھا تاہم خدشہ ظاہر کیا جارہا ہے کہ طوفان کے باعث میانمار اور بنگلا دیش میں مجموعی طور پر 20 لاکھ افراد متاثر ہوں گے، جس کے باعث دونوں ممالک میں ہسپتالوں میں ایمرجنسی عائد کردی گئی جب کہ میونسپل اداروں اور فائر بریگیڈ کو بھی الرٹ کردیا گیا۔
