عرفان خان نے کینسر کو شکست دیدی، کب اور کس فلم میں نظر آئیں گے؟ مداحوں کیلئے خوشخبری آ گئی

لندن(سچ نیوز) بالی ووڈ سٹار عرفان خان کینسر جیسے موذی مرض کو شکست دینے میں کامیاب ہوگئے ہیں ، دیوالی کے بعد جلد ایکشن میں دکھائی دیں گے۔تفصیلات کے مطابق بالی ووڈ سٹار عرفان خان کو رواں برس ہی مرض کی تشخیص ہوئی تھی جس کے بعد وہ علاج کے لیے لندن چلے گئے تھے۔بالی ووڈ سٹار نے ہمت باندھے رکھی ان کی 6 کیموتھراپیاں اگست میں مکمل ہو گئی تھیں جس کے بعد وہ کافی کمزور بھی ہوگئے تھے ، ڈاکٹرز نے اگست میں نوید سنائی تھی کہ عرفان خان نے کینسر کے خلاف جنگ جیت لی مگر ان کے روبہ صحت ہونا باقی تھا۔اب اطلاعات موصول ہوئی ہیں کہ بالی ووڈ سٹار آئندہ ماہ سے کام کا باقاعدہ آغاز کریں گے۔