’’ لوگ 500 روپے دے کر ہمیں۔ ۔ ۔ ‘‘ بھارتی اداکارہ تاپسی پنوں نے اپنے ماضی کی انتہائی دردناک داستان بے نقاب کردی

ممبئی (سچ نیوز) بالی ووڈ اداکارہ تاپسی پنو نے انکشاف کیا ہے کہ ایک وقت تھا جب اُنہیں کوئی بھی کرائے پر گھر دینے کو تیار نہیں تھا،، ہمارے معاشرے میں لوگ 500 روپے دے کر ہمیں فلم پردے پر دیکھنے تو آ جاتے ہیں مگر ہمیں کوئی گھر کرائے پر دینے کے لیے تیار نہیں ہوتا ، کیوں کہ لوگ ہمارے پیشے کو قابلِ اعتماد نہیں سمجھتے ، وہ اکیلی تھیں اس لیے انہیں بہت سی مشکلات کا سامنا کرنا پڑا تھا اور وہ وقت اُن کے لیے بہت کڑا ثابت ہوا۔ممبئی مرر سے گفتگو کرتے ہوئے بھارتی فلم انڈسٹری کی نئی ابھرتی ادکارہ تاپسی پنو نےبتایا کہ  انڈسٹری میں اپنا مقام بنانے کے لیے بہت محنت کی ہےاور بہت سختیاں جھیلی ہیں، اُن کا تعلق بھارت کے شہر دہلی سے ہے اور  جب وہ بھارتی فلم انڈسٹری میں کام کرنے کی غرض سے دہلی سے حیدرآباد آئیں تو اُنہیں ایک ماہ تک کوئی اپارٹمنٹ نہیں ملا تھا۔تاپسی کا مزید کہنا تھا  کہ بہت دنوں کی کوششوں کے بعد اب اُن کو ایک اپارٹمنٹ مل گیا ہے وہ اپنی بہن کے ساتھ سکون کے ساتھ رہ رہی ہیں، اُن کے ولدین ابھی دہلی میں ہی مقیم ہیں۔