نئی دہلی (سچ نیوز)بھارتی وزیر اعظم نریندرا مودی نے ایک بار پھر پاکستان کو دھمکی دیتے ہوئے ہرزہ سرائی کی ہے اور کہا ہے کہ ہندوستان کی تقسیم کے بعد وجود میں آنے والا ملک دہشت گردوں کی پناہ گاہ اور دہشت گردی کا دوسرا نام بن چکا ہے،یہ ملک دیوالیہ ہونے کے دہانے پر ہے اور اس کے منصوبوں کو ہم کسی طور کامیاب نہیں ہونے دیں گے،پلوامہ حملے کے قصور وار چاہے جتنا بھی چھپ لیں ،اس گناہ کی سخت ترین سزا انہیں ضرور ملے گی۔بھارتی نجی ٹی وی کے مطابق انڈین وزیر اعظم نریندر مودی نے پلوامہ حملے میں مارے جانے والے فوجی اہلکاروں کو سلام پیش کرتے ہوئے کہا کہ سیکیورٹی فورسز کی یہ قربانی رائیگاں نہیں جائے گی اور اس کے قصوروار چاہے جتنا بھی چھپ جائیں، ان کو اس گناہ کی سزا ضرور ملے گی،بھارتی عوام سے کام لیں اور اپنے فوجی جوانوں پر یقین رکھیں ،بھارتی سرکار نے ہندوستانی فوج کو اجازت دے دی ہے پلوامہ کے قصورواروں کو کیسے، کہاں، کب، کونسی اور کس طرح کی سزا دی جائے گی؟اس کا تعین ہمارے جوان کریں گے۔بھارتی وزیر اعظم نریندر مودی نے پاکستان کے خلاف زہر اگلتے ہوئے کہا کہ ہندوستان کی تقسیم کے بعد جو ایک ملک وجود میں آیا، دہشت گردوں کی پناہ گاہ اور دہشت گردی کا دوسرا نام بن چکا ہے،یہ ملک دیوالیہ ہونے کے قریب ہے اور اس کے منصوبوں کو ہم کسی طور کامیاب نہیں ہونے دیں گے۔ فوجیوں، خاص کر سینٹرل ریزرو پولیس فوس میں جو غصہ ہے، اس سے بھی ملک بخوبی واقف ہے، اس لئے حٖفاظتی دستوں کو پوری آزادی دے دی گئی ہے،دہشت گرد تنظیموں اور دہشت گردوں کے سرپرستوں نے جو گناہ کیا ہے وہ چاہے جتنا چھپنے کی کوشش کریں، انہیں سزا ضرور ملے گی اور ہم حملے میں مارے جانے والے جوانوں کے خون کے ایک ایک قطرے کی قیمت وصول کریں گے ۔
