پلوامہ حملہ، بھارت نے موہالی سٹیڈیم میں ایسا شرمناک کام کر دیا کہ پاکستانی تو کیا پوری دنیا حیران پریشان رہ جائے

نئی دہلی (سچ نیوز) بھارت ایک عرصے سے مختلف کھیلوں کو سیاست کی نذر کر رہا ہے اور پلوامہ حملے کے بعد اس سلسلے میں مزید شدت آ گئی ہے اور پڑوسی ملک نے تمام اخلاقی حدود عبور کرتے ہوئے اپنے میدان میں نصب پاکستانی کھلاڑیوں کی تمام تصاویر اتار دی ہیں۔تفصیلات کے مطابق پلوامہ حملے کے بعد پڑوسی ملک کی جانب سے جہاں پاکستان پر الزام تراشی کا سلسلہ جاری ہے وہیں ایک مرتبہ پھر کھیلوں پر اثرانداز ہوتے ہوئے ہر طرح کے سفارتی آداب اور اخلاقی اقدار کی دھجیاں بھی اڑائی جا رہی ہیں جس کے تحت پنجاب کرکٹ ایسوسی ایشن حکام نے موہالی سٹیڈیم کی دیواروں پر نصب پاکستانی کرکٹرز کی تمام تصویریں ہٹا دی ہیں اور اس کی وجہ ہلاک فوجی اہلکاروں سے اظہار یکجہتی کو قرار دیا ہے۔حکام کا کہنا ہے کہ کل 15 تصویریں ہٹائی گئی ہیں جن میں پاکستان کے سابق کپتان اور موجودہ وزیر اعظم عمران خان، سابق عظیم بلے باز جاوید میانداد، انضمام الحق اور شاہد آفریدی کی تصاویر شامل ہیں۔ان تصاویر میں دونوں ٹیموں کے درمیان ورلڈ کپ 2011ءمیں کھیلے گئے سیمی فائنل کی تصاویر بھی شامل ہیں جس میں پاکستان کو شکست کا سامنا کرنا پڑا تھا۔اس میچ کو دیکھنے کیلئے پاکستان کے وزیر اعظم یوسف رضا گیلانی اور ان کے بھارتی ہم منصب منموہن سنگھ نے بھی سٹیڈیم کا رخ کیا تھا اور دونوں ٹیموں کے کھلاڑیوں سے ملاقات کی تھی۔