ماسکو: (سچ نیوز ) مشن پرواز کے سلسلے میں دنیا کا چکر لگانے والے فخر عالم کو روس میں گرفتار کر لیا گیا ہے، دفتر خارجہ نے معاملہ کا نوٹس لیتے ہوئے روسی حکام سے رابطہ کر لیا ہے۔
ترجمان دفتر خارجہ ڈاکٹر فیصل نے سماجی رابطوں کی ویب سائٹ ٹویٹر پر تصدیق کرتے ہوئے کہا ہے کہ ماسکو میں پاکستانی سفیر کی فخر عالم سے بات ہو گئی ہے، پاکستانی سفیر روس کے مقامی حکام سے بھی رابطے میں ہیں، امید ہے فخر عالم کا مسئلہ جلد حل ہو جائے گا۔
اس سے قبل گورنر سندھ عمران اسماعیل نے بھی فخر عالم کی روس میں حراست کی اطلاعات پر وزارت خارجہ سے رابطہ کر کے انھیں ہر ممکن مدد فراہم کرنے کی ہدایت کی تھی۔ ان کا کہنا تھا کہ روس میں پاکستانی سفارتخانہ ہر ممکن اقدامات کر رہا ہے، انھیں امید ہے کہ فخر عالم کا مشن جاری رہے گا۔
Our Amb in Moscow has spoken to Fakher e Alam. He is also in touch with local authorities. Problem will hopefully be resolved soon. #MissionParwaaz
— Dr Mohammad Faisal (@DrMFaisal) October 29, 2018
فخر عالم کا یہ پیغام اداکار فیصل قریشی نے حکومت تک پہنچایا۔ انہوں نے ٹویٹ کے ذریعے بتایا کہ پاکستانی حکومت کا شکریہ، وہ روسی سفارت خانے سے رابطے میں ہیں اور فخر عالم کے ویزا کے معاملے سے متعلق اقدامات کیے جا رہے ہیں۔
