بیجینگ (سچ نیوز) انٹرپول کے چیف کی اہلیہ نے انکشاف کیا ہے کہ ان کے شوہر کی جان کو شدید خطرہ ہے، مینگ ہوننگ نے لاپتہ ہونے سے قبل مجھے پیغام بھیجا تھا کہ میری جان کو خطرہ ہے۔بین الاقوامی میڈیا کے مطابق انٹرپول کے چیف کی اہلیہ نے انکشاف کیا ہے کہ مینگ ہوننگ نے لاپتہ ہونے سے قبل مجھے پیغام بھیجا تھا کہ میری جان کو خطرہ ہے۔ انٹرپول چیف مینگ ہوننگ وی چند روز قبل چین سے واپسی پر لاپتا ہوگئے تھے، مینگ ہوننگ وی کی اہلیہ نے فرانسیسی پولیس کو شوہر کے لاپتا ہونے کے حوالے سے اطلاع دی تھی جس کے بعد فرانسیسی پولیس نے تحقیقات شروع کی تھی۔ ادارے کا کہنا تھا کہ انٹر پول کے چیف کی اہلیہ نے پریس کانفرنس سے خطاب کرتے ہوئے بتایا کہ میرے شوہر کی جان خطرے میں ہے۔انٹرپول چیف کی اہلیہ لیون کا کہنا کہ ہے کہ مینگ ہوننگ وی نے گذشتہ ماہ 25 ستمبر کو سوشل میڈیا پر ایک ایموجی پیغام بھیجا تھا جس کا مطلب تھا میں خطرے میں ہوں۔
